Farhat Ehsas
mohabbat ka sila-kar-e-mohabbat se nahin milta
jo afsane se milta hai haqiqat se nahin milta
main us ko us ke bahar dekhta huun saḳht mushkil men
koi bhi aks us ka asl surat se nahin milta
mulaqat us se ab to baala baala bhi nahin mumkin
chhaton ka silsila ek us ki hi chhat se nahin milta
kahan se laa.en ishq itna ki us tak baar paa.en ham
vo ḳhud bairun-e-sahra ahl-e-vahshat se nahin milta
ki ab dar-pesh rahte hain ka.i apne bhi kaam us ko
vo pahle ki tarah ab apne ‘farhat’ se nahin milta
Leave a Reply