Tark In Dinon Jo Yar Se Guft-O-Shunid Hai

tark in dinon jo yaar se guft-o-shunid hai

ham ko moharram aur raqibon ko iid hai

shayad hamare qaul pe hablul-varid hai

ham se khuda qarib hai kaaba baiid hai

guzra mah-siyam na kyuun panja-e-sharab

khali ka chand ye nahin hai mah-e-id hai

shughl apna bada-khvari hai aur taak silsila

pir-e-mughan bhi ek hamara murid hai

dil le chuke hain jaan bhi ab mangte hain vo

baithe hain bigde aur taqaza shadid hai

chal khol qufl abla-e-pa ke ai junun

har ik zaban-e-khar bayaban kalid hai

vahshat men pairahan ki udiin dhajjiyan tamam

tan par qaba-e-dagh hai so nau-kharid hai

sunta huun roz-e-hashr na hogi use najat

jo sayyadon se bughz rakhe vo yazid hai

aisa maza bhara hai tabiat men faqr ka

ganj-e-shakar hai siina mira dil farid hai

‘sayyah’-e-be-nava huun jahan-gard hai laqab

gardish men charkh-e-pir bhi mera murid hai

Leave a Comment