Wo Mera Dard-E-Dil Kya Jaante Hain

vo mera dard-e-dil kya jante hain

tadapne ko tamasha jante hain

bahar-e-gul hai khaar ankhon men tujh bin

chaman ko ham to sahra jante hain

kahen kya hal-e-dil apna buton se

jo hai dil men tamanna jante hain

satana qatl karna phir jalana

vo be-taalim kya kya jante hain

malen ham kyuun na ankhen barg-e-gul se

ise tera kaf-e-pa jante hain

raqibon par sitam itna na kiije

unhen bhi aap ham sa jante hain

yahan tak ijz ke khugar hain ‘ghafil’

buron ko bhi ham achchha jante hain

Leave a Comment