vo jo ik fart-e-shadmani hai
hijr se vasl ki kahani hai
vasl us ka karan se ta-ba-karan
be-karani si be-karani hai
koi atish-kada hai us ka badan
aag hai aur javedani hai
us ki ankhen ki ḳhvab-e-hairat hain
kaifiyat un men dastani hai
honT us ke hain chashma-e-haivan
un se pi lo to javedani hai
us ki qamat hai rashk-e-sarv-e-iram
chaal bas ḳhvab ki ravani hai
jis jagah par khila hai naaf ka phuul
vo to ik bagh-e-la-makani hai
koi jaadu hai tu ki jan-e-‘nadim’
havas-angez si kahani hai
Leave a Reply