Maine Hi Na Kuchh Khoya Jo Paya Na Kisi Ko

maiñ ne hī na kuchh khoyā jo paayā na kisī ko

us ne bhī to puurā na kiyā merī kamī ko

hai maujzan ik qulzum-e-ḳhūñ siine meñ ab tak

darkār nahīñ aur mirī tishna-labī ko

hañste unheñ dekhā to bahut phuuT ke ro.e

jo log taraste rahe ik umr hañsī ko

kuchh aisī tabī.at milī ham ahl-e-chaman ko

bardāsht kiyā hai kabhī shabnam na kalī ko

har ashk ajab gauhar-e-yak-dāna hai ‘shohrat’

girya baḌī daulat hai jo miltī hai kisī ko

Leave a Comment