Shahbaz Khwaja
kisi ne dekh liya tha jo saath chalte hue
pahunch ga.i hai kahan jaane baat chalte hue
safar safar hai kabhi ra.egan nahin hota
sar-e-sahar chali aa.i hai raat chalte hue
suna hai tum bhi isi dasht-e-gham se guzre ho
so ham ne ki hai baḌi ehtiyat chalte hue
ham apni ukhḌi hui sanson ko bahal karen
kahin rakhe to sahi ka.enat chalte hue
hava ruki to ajab husn tha magar ‘shahbaz’
gira ga.i hai ka.i sukhe paat chalte hue
Leave a Reply