bahar aai zamana hua ḳharabati
hamare dil men bhi ik lahr kaash aa jaati
hava bhi sard hai bhigi hai raat bhi lekin
sulag rahi hai kisi aag se miri chhati
mire paḌos men ye zikr hai kai din se
sada jo aati thi rone ki ab nahin aati
laga ke siine se shadabiyon ko so jaata
mujhe bahar-e-javani men maut aa jaati
baja raha hai koi raat men sitar ‘aḳhtar’
dhaḌak rahi hai miri arzuon ki chhati
Leave a Reply