Sehr Ishqabadi
farishte bhi pahunch sakte nahin vo hai makan apna
Thikana DhunDe daur-e-zamin-o-asman apna
ḳhuda jabbar hai har banda bhi majbur o taabe hai
do aalam men nazar aaya na koi mehrban apna
nigah-e-muztarib phir DhunDti hai kis ko har shai men
zamin apni aziiz apne ḳhuda-e-do-jahan apna
guzarne ko to guzre ja rahe hain rah-e-hasti se
magar hai karvan apna na mir-e-karvan apna
na vo parvaz ki quvvat na vo dil ki umang ab hai
hui muddat chaman chhuTe qafas hai ashiyan apna
paheli ḳhud thi hasti ishq ne kuchh aur uljha.i
koi ai ‘sehr’ kya samjhe nahin main raz-dan apna
Leave a Reply