Fartash Syed
vo bhi gumrah ho gaya hoga
mera bad-ḳhvah ho gaya hoga
mere haq men jo bol uTTha hai
dard-agah ho gaya hoga
sajda-e-shauq jo ada na hua
sang-e-dargah ho gaya hoga
hadse ki hamen ḳhabar hi nahin
ḳhair nagah ho gaya hoga
vaqi.a aap tak nahin pahuncha
nazr-e-afvah ho gaya hoga
surat-e-hal dekh kar vo bhi
tere hamrah ho gaya hoga
vaqt ke saath saath us ka qad
aur kotah ho gaya hoga
is baras bhi na aa saka ‘fartash’
vaqf-e-tanḳhvah ho gaya hoga
Leave a Reply