sahra-pasand ho ke simatne laga huun main
andar se lag raha hai ki batne laga huun main
kya phir kisi safar pe nikalna hai ab mujhe
divar-o-dar se kyuun ye lipatne laga huun main
aate hain jaise jaise bichhadne ke din qarib
lagta hai jaise rail se katne laga huun main
kya mujh men ehtijaj ki taqat nahin rahi
pichhe ki samt kis liye ha.tne laga huun main
phir saari umr chand ne rakkha mira khayal
ik roz kah diya tha ki ghatne laga huun main
Leave a Reply