Nigahen Dar Pe Lagi Hain Udas baiThe Hain

nigāheñ dar pe lagī haiñ udaas baiThe haiñ

kisī ke aane kī ham le ke aas baiThe haiñ

nazar uThā ke koī ham ko dekhtā bhī nahīñ

agarche bazm meñ sab rū-shanās baiThe haiñ

ilāhī kyā mirī ruḳhsat kā vaqt aa pahuñchā

ye chārasāz mire kyuuñ udaas baiThe haiñ

ilāhī kyuuñ tan-e-murda meñ jaañ nahīñ aatī

vo be-naqāb haiñ turbat ke paas baiThe haiñ

Leave a Comment