Muslim Shameem
gham-e-hayat lab-e-sho.ala-bar tak pahuncha
hamara zehn had-e-e.atibar tak pahuncha
fusun ye kis ki nazar ka bahar tak pahuncha
sukut-e-lala-o-gul intishar tak pahuncha
bhaTak raha tha junun rahguzar hasti men
na jaane kab ye ḳham-e-zulf-e-yar tak pahuncha
sab ahl-e-bazm mire husn-e-sher tak pahunche
magar na koi dil-e-sogvar tak pahunche
ye kis ne chheḌ diya saz-e-arzu-e-visal
ye aaj kaun is ujḌe dayar tak pahuncha
Leave a Reply