kaho farar se bandhe na paanv men ankhen
qadam qadam pe bichhi hain dishaon men ankhen
na jaane kaun si hogi talash ki manzil
bhaTak rahi hain abhi tak ḳhalaon men ankhen
karah uTThi thi sargoshi koi chupke se
lagi thi Thes ki ug aa.iin paanv men ankhen
parinde ab nahin manzar guzarne vaale
hazar ḳhvab saja.en fazaon men ankhen
paha.diyan hui irfan-e-agahi se bahar
jo mo.atakif huiin andhi guphaon men ankhen
bikharte shahron ke manzar inhen dikhao bhi
umiid se hain bahut ab ke gaanv men ankhen
faza-nashin hai tezab raushni ‘parvez’
nikalte Darti hain ab to havaon men ankhen
Leave a Reply