Poet
ah-o-nala ne kuchh asar na kiya
hijr ki shaam ko sahar na kiya
talḳhi-e-sabr ḳhush-gavar hui
zahr ne bhi mujhe asar na kiya
sar ko phoḌa jo kohkan ne to kya
ishq men kis ne nazr-e-sar na kiya
kaun si aisi aafat aa.i jab
asman ne mujhe sipar na kiya
kanpta hai vo dil ghazab se tire
jis ne ai but ḳhuda ka Dar na kiya
jis ne dekha vo ro.e atishnak
phir guman use ne barq par na kiya
kuuch apna bhi ho gaya ‘ahqar’
gham-o-andoh ne safar na kiya
Leave a Reply