suḳhan kiya jo ḳhamoshi se sha.eri jaagi
charagh lafzon ke jal uTThe raushni jaagi
zid-e-malal-o-masarrat men umr biit ga.i
ye dev soya na vo ḳhvab ki pari jaagi
tu barf dard samundar men iztirab aaya
to ḳhushk-chashm jazire men kuchh nami jaagi
vahan zaban pe samundar ki ḳhushkiyan ubhrin
yahan zamin ke honTon pe kuchh hansi jaagi
nazar nazar men sama.in halavaten ‘shahpar’
ḳhayal-e-lams-o-nazara men sarḳhushi jaagi
Leave a Reply