hal-e-dil-e-tabah kisi ne suna kahan
puchhe magar koi to lab-e-mudda.a kahan
tai kar raha huun ḳhvab-o-haqiqat ke fasle
maana ki main kahan tiri avaz-e-pa kahan
aalam tamam pairahan-e-tar-tar hai
mahshar sukut-e-nim-shabi ka uTha kahan
vo dard justuju-e-gul-e-naghma thi jise
ḳhud apne reg-zar men gum ho gaya kahan
is darja be-ruḳhi pe pasheman na ho koi
ḳhud mujh ko ehtiram-e-shu.ur-e-vafa kahan
Leave a Reply