Ameeq Hanafi
main bhi kab se chup baiTha huun vo bhi kab se chup baiThi hai
ye hai visal ki rasm anokhi ye milne ki riit na.i hai
vo jab mujh ko dekh rahi thi main ne us ko dekh liya tha
bas itni si baat thi lekin baḌhte baḌhte kitne baḌhi hai
be-surat be-jism avazen andar bhej rahi hain hava.en
band hain kamre ke darvaze lekin khiḌki khuli hui hai
mere ghar ki chhat ke uupar suraj aaya chand bhi utra
chhat ke niche ke kamron ki jaisi thi auqat vahi hai
Leave a Reply