ahmad-ata

Ye Aks Aap Hi Bante Hain Humse Milte Hain

ye aks aap hi bante hain ham se milte hain

ki nakhunon ke baghair apne zakhm chhilte hain

khabar mili hai ki tu khvab dekhti hai abhi

khabar mili hai tiri samt phuul khilte hain

hamen ye vaqt ki bakhiya-gari pasand nahin

agarche vaqt ke hathon se zakhm silte hain

hamari umr se badh kar ye bojh Daala gaya

so ham badon se buzurgon ki tarah milte hain

kisi ko khvab men akasr pukara jaata hai

‘ata’ isi liye sote men hont hilte hain

More Poems

Leave a Comment