kaahe ko aise DhiiT the pahle jhuTi qasam jo khate tum
ghairat se aa jaata pasina aankh na ham se milate tum
haif tumhen fursat hi nahin hai varna kya kya hasrat thi
haal hamara kuchh sun lete kuchh haal apna sunate tum
nang hai milna aar takallum ek zamana aisa tha
bazm men apni ham ko bula kar izzat se biThlate tum
ham vo nahin ya tum vo nahin tum hanste ho aur ham rote hain
ya hichki ulTi jaati thi jitna hamen samjhate tum
vaz.a bhi koi shai hai aḳhir dil ko ‘asar’ samjhana tha
dar se kisi ke ik baar uTh kar kaash dobara na jaate tum
Leave a Reply