phuul khile hain mausam badla sahra ke viranon ka
qatra qatra ḳhuun jo Tapka zaḳhmon se divanon ka
bahal bahal ke ishq men nazuk dil TuuTa divanon ka
tab kuchh kaam chala ankhon ke dariya men tufanon ka
gham ki mai men gham ka qissa ḳhuub chhiḌa afsanon ka
dukh men dil ka dard hai dohra divane divanon ka
farsh ka qissa jiyun jiyun pahuncha baam pe saaqi jhuum uTha
kis ne naqsha aisa badla duniya ke mai-ḳhanon ka
Leave a Reply