Fauziya Rabab
ḳhvab men dekh raha huun ki haqiqat men use
main kabhi dekh nahin sakta musibat men use
vo mira yar-e-tarah-dar ki ḳhush-fahm bhi hai
koi dhoka hi na de jaa.e mohabbat men use
zindagi ho to ka.i kaam nikal aate hain
yaad a.unga kabhi main bhi zarurat men use
ik ta.alluq tha ki shishe ki tarah TuuT gaya
joḌ sakta hi nahin main kisi surat men use
aaj tak jism mira TuuT raha hai ‘fazil’
main ne dekha tha kabhi niind ki halat men use
Leave a Reply