Wo Jis Pe Tumhein Sham-E-Sar-E-Rah Ka Guman Hai

vo jis pe tumhen sham-e-sar-e-rah ka guman hai

vo shoala-e-avara hamari hi zaban hai

ab haath hamare hai inaan rakhsh-e-junun ki

ab sar pe hamare kulah-e-sang-e-butan hai

bas pher ke munh khaar qadam khinch rahe the

dekha to nihan qafila-e-ham-safaran hai

chubhte hi bani khar-sifat pa-e-khizan men

kya kiije bahut ham ko gham-e-lala-rukhan hai

kaam aae bahut log sar-e-maqtal-e-zulmat

ai raushni-e-kucha-e-dil-dar kahan hai

ai fasl-e-junun ham ko pae-shaghl-e-gareban

paivand hi kaafi hai agar jaama giran hai

‘majruh’ kahan se guhar-e-gandum-o-jau laaen

apni to girah men yahi chashm-e-nigaran hai

Leave a Comment