Santosh Khirvadkar
guzre vaqton ki vo tahrir sambhale hue hain
dil ko bahlane ki tadbir sambhale hue hain
bandh rakkha hai hamen jis ne abhi tak janan
ham mohabbat ki vo zanjir sambhale hue hain
dekhte rahte hain ajdad ke chehre jis men
ham vafaon ki vo tasvir sambhale hue hain
jin lakiron men nujumi ne kaha tha tu hai
donon hathon men vo taqdir sambhale hue hain
vasl ki shab men jo dekhe the sunahri sapne
un ki ham aaj bhi tadbir sambhale hue hain
Leave a Reply