Daniyal Tareer
tasalsul se guman likkha gaya hai
yaqin to na-gahan likkha gaya hai
mukammal ho chuki qir,at faza ki
parinde aur dhuan likkha gaya hai
mira do pal Thahar kar saans lena
sar-e-ab-e-ravan likkha gaya hai
uga.egi sitare ab ye miTTi
zamin par asman likha gaya hai
kitab-e-ghaib paḌhta ja raha huun
mira hona kahan likkha gaya hai
nahin likkha gaya kaghaz pe kuchh bhi
faqat a.indagan likkha gaya hai
Leave a Reply