Robeena Meer
vo jo dekhe the main ne kabhi ḳhvab men
bah ga.e phuul saare vo sailab men
na-ḳhuda ki jo niyyat thi zahir hui
jab bhi kashti miri aa.i girdab men
raaz ab tak kisi pe na ye khul saka
mar ga.iin machhliyan kaise talab men
jitne bhi zaḳhm the ḳhud-ba-ḳhud bhar ga.e
jab se dekha hai ik daagh mahtab men
ek muddat se ham un se kaT hain ga.e
tazkire phir bhi hote hain ahbab men
apni har baat ‘robina’ had men rahi
band hain ham to aḳhlaq-o-adab men
Leave a Reply