Azhar Abbas
hava-e-tez ke aage kahan rahega koi
diye pe vaqt sada mehrban rahega koi
ai dost ham bhi zamin par dhuen ki surat hain
faza men kitna dhuan hai dhuan rahega koi
ajiib naqsh bana.e hain vahshat-e-dil ne
magar ye ret hai is par nishan rahega koi
makan-e-dil ki sabhi raunaqen makinon se
makin hi na rahe to makan rahega koi
suragh la.egi kitne na.e jahanon ka
ye agahi ka safar ra.egan rahega koi
jo dil ki jhiil hi jazbon se ho ga.i ḳhali
to apni aankh men ab-e-ravan rahega koi
ham apne saath hi le ja.enge jahan apna
hamare ba.ad to yunhi jahan rahega koi
Leave a Reply