vo jo chhup jaate the ka.abon men sanam-ḳhanon men
un ko la la ke biThaya gaya divanon men
fasl-e-gul hoti thi kya jashn-e-junun hota tha
aaj kuchh bhi nahin hota hai gulistanon men
aaj to talḳhi-e-dauran bhi bahut halki hai
ghol do hijr ki raton ko bhi paimanon men
aaj tak tanz-e-mohabbat ka asar baaqi hai
qahqahe gunjte phirte hain bayabanon men
vasl hai un ki ada hijr hai un ka andaz
kaun sa rang bharun ishq ke afsanon men
shahr men dhuum hai ik sho.ala-nava ki ‘maḳhdum’
tazkire raston men charche hain pari-ḳhanon men
Leave a Reply