Salman Akhtar
ham jo pahle kahin mile hote
aur hi apne silsile hote
phir har ik baat Thiik se hoti
phir na uljhan na fasle hote
phir na tanha.i raat ko Dasti
phir na qismat se ye gile hote
phir na lagta ye shahr ik sahra
phir na gum dil ke qafile hote
phir ghazal hoti sab zabanon par
phir kisi ke na lab sile hote
phir har ik lamha gunguna uThta
phir har ik samt gul khile hote
Leave a Reply