Shab Ki Mutrib Tha Sharab-E-Nab Thi Paimana Tha

Poet

shab ki mutrib tha sharab-e-nab thi paimana tha

vo pari-vash kya na tha goya ki jo kuchh tha na tha

soz-e-dil se lab ye har dam naala betabana tha

hijr-e-saqi men kisi pahlu qarar asla na tha

jalva-gar dil men ḳhayal-e-ariz-e-janana tha

ghar ki zinat thi ki zinat-baḳhsh sahab-ḳhana tha

kya karun ab mubtala huun aap apne haal men

di thi ne.amat us ne jab lab par mire shukrana tha

shohra-e-afaq hoti meri az-ḳhud-raftagi

ḳhairiyat guzri ki a.ankhon se tujhe dekha na tha

fasl-e-gul men chhoḌta mai dekh kar mah-e-siyam

kuchh junun mujh ko na tha vahshat na thi sauda na tha

kya kahun Dar ye hai vo laila-ada rusva na ho

varna majnun se bhi kuchh baḌh kar mera afsana na tha

gar nazakat men na hota misl-e-tar-e-ankabut

ḳhuub ulfat se zamana men koi rishta na tha

yuun za.ifi aa ga.i goya azal se the za.iif

aur shabab aisa gaya jaise kabhi aaya na tha

hai yaqin ashiq tumhara mar gaya ho lo ḳhabar

main ne kal dekha tha ja kar haal kuchh achchha na tha

nim-baz ankhen tumhara naam tha vird-e-zaban

zaḳhm-e-dil par haath tha lab par magar shikva na tha

baḳht ki bargasht-agi guzri hai had se ai ‘habib’

dekhte hain un ke talve jin ka munh dekha na tha