Poet
vo jis ki justuju-e-did men pathra ga.iin ankhen
nazar ke samne ik din sar-e-mahfil bhi aa.ega
ye kya shikva ki koi chahne vaala nahin milta
karam par tum jo ho maa.il koi saa.il bhi aa.ega
ye tufan-ḳhez maujen ye thapeḌe baad o baran ke
safine ko yunhi kahte raho sahil bhi aa.ega
na ho mayus hamdam paanv men laghzish na aa jaa.e
nazar kuchh duur chal kar jada-e-manzil bhi aa.ega
mohabbat apne divanon ko viran rakh nahin sakti
kisi ki justuju men ek din mahmil bhi aa.ega
ye mahfil aaj na-ahlon se jo mamur hai ‘vasif’
usi mahfil men koi jauhar-e-qabil bhi aa.ega
Leave a Reply