Wo Jab Apne Lab Kholen

vo jab apne lab kholeñ

shahd fazāoñ meñ gholeñ

aap ke bhī ho jā.eñge ham

pahle apne to ho leñ

duniyā se kaT jaa.eñ ham

itnā sach hī kyuuñ boleñ

jab jab ḳhud ko qatl kareñ

ḳhanjar gañgā meñ dho leñ

uḌnā ham sikhlā deñge

aap zarā se par kholeñ

kuchh din halke guzreñge

aaj kī shab khul kar ro leñ

din bhar sūraj Dhoyā hai

chāñd se lipTeñ aur so leñ

Leave a Comment