main tum se chhut raha huun mire pyaro
magar mira rishta pukhta ho raha hai is zamin se
jis ki god men samane ke liye
main ne puuri zindagi rehearsal ki hai
kabhi kuchh kho kar kabhi kuchh pa kar
kabhi hans kar kabhi ro kar
pahle din se mujhe apni manzil ka pata tha
isi liye main kabhi zor se nahin chala
aur jinhen zor se chalte dekha
taras khaya un ki halat par
is liye ki vo jante hi na the
ki vo kya kar rahe hain
Leave a Reply