ankhon se utar kar mire dil tak koi aa.e
us dar pe bhi dene kabhi dastak koi aa.e
pahle to baḌe daam batata tha vo dil ke
ab aas men baiTha hai ki gahak koi aa.e
har baar main duniya ke bulave pe gaya huun
is baar ye ḳhvahish hai ki mujh tak koi aa.e
ab ek sa mausam to hamesha nahin rahta
mumkin hai kisi roz achanak koi aa.e
ahbab ke qadmon ko tarasti hai miri shaam
khole hue baiTha huun main baiThak koi aa.e
is dil ke makan ka main ‘hasan’ pahla makin huun
aata hai mire ba.ad to be-shak koi aa.e
Leave a Reply