akhtar-ansari

Gham-e-Hayat Kahani Hai Qissa-Khwan Hun Main

gham-e-hayat kahani hai qissa-ḳhvan huun main

dil-e-sitam-zada hai raz-dan huun main

ziyada is se koi aaj tak bata na saka

ki ek nukta-e-na-qabil-e-bayan huun main

nazar ke samne kaundi thi ek bijli si

mujhe batao ḳhuda-ra ki ab kahan huun main

ḳhizan ne luuT liya gulshan-e-shabab magar

kisi bahar ke arman men javan huun main

ye kah rahi hai nazar ki gham-e-afrin jumbish

kisi ke dil ki tabahi ki dastan huun main

ḳhizan kahti thi main shoḳhi-e-baharan huun

bahar kahti hai rangini-e-ḳhizan huun main

shabab naam hai us jan-navaz lamhe ka

jab aadmi ko ye mahsus ho javan huun main

jahan-e-dard-o-alam pujta hai mujh ko aah

tapish-e-jabin hai lahu sajda astan huun main

vo din bhi the ki main jan-e-shabab tha ‘aḳhtar’

ab apne ahd-e-javani ki dastan huun main

More Poems

Leave a Comment