ahmad-ashfaq

Tum Jo Aa Jao Gham Dhuan Ho Jae

tum jo aa jaao gham dhuan ho jaae

bazm-e-jan rashk-e-asman ho jaae

tuut jaata hai dam mohabbat ka

bad-gumani agar javan ho jaae

haal o maazi ki sarhaden aisi

zindagi pal men raftagan ho jaae

saaf suthra muamla rakhiye

us se pahle azab-e-jan ho jaae

chikh uthta hai dafatan kirdar

jab koi shakhs bad-guman ho jaae

lazmi hain vazahaten ‘ashfaq’

jab koi dost bad-guman ho jaae

More Poems

Leave a Comment