jaane kya thi baat mujhe kuchh yaad nahin
ḳhatm hui kab raat mujhe kuchh yaad nahin
dil men jiine ki ik ḳhvahish hoti thi
ab hain jo halat mujhe kuchh yaad nahin
garm ruton men main ne dua.en mangi thiin
kab aa.i barsat mujhe kuchh yaad nahin
bachpan men ik khel to main ne khela tha
jiit hui ya maat mujhe kuchh yaad nahin
main to us ka saath nibhati aa.i huun
kya kya the sadmat mujhe kuchh yaad nahin
Leave a Reply