Sufi Tabassum
vo husn ko jalva-gar karenge
ara.ish-e-bam-o-dar karenge
hans hans ke karenge chara-sazi
saman-e-dil-o-nazar karenge
ham bhi sar-e-rah muntazir hain
dekhen kab idhar nazar karenge
afsana-e-gham tavil hai dost
is baat ko muḳhtasar karenge
hai sham-e-firaq saḳht tarik
is shaam ki ab sahar karenge
afsurda hain zindagi ke tevar
kab tak yunhi ham basar karenge
aa.ega ‘tabassum’ un labon par
aansu bhi kabhi asar karenge
Leave a Reply