Poet
vo husn-e-barq-tal.at ka miri ankhon men ghar karna
vo manzar phir zara ai jazb-e-dil pesh-e-nazar karna
gham-e-hasti men phir hone lagi hai be-ḳhudi zaa.il
zara phir ik nazar phir do-jahan se be-ḳhabar karna
ḳhudara chhoḌ de ai chara-farma chashm-e-saqi par
hazin dil ko nashat-e-zindagi se bahra-var karna
koi hasrat ho kuchh to zad-e-rah-e-zist mil jaa.e
bahut dushvar hai be-mudda.a sham-o-sahar karna
na ghairon ne mujhe puchha na apnon ne mujhe samjha
mire hissa hai ‘kaukab’ zindagi tanha basar karna
Leave a Reply