Poet
kam kabhi raah ke azar to hote honge
abla-pa.i kahin ḳhaar to hote honge
mujh se ye soch ke vo mera pata puchhe tha
tang-daston ke bhi ghar-bar to hote honge
us se bichhḌa main andheron ka makin huun varna
koi ghar ho dar-o-divar to hote honge
vo jahan bhi ho use dekh ke is shahr ke log
ku-ba-ku naqsh-ba-divar to hote honge
marg jo apni tarah koi vahan ho ki na ho
log use dekh ke bimar to hote honge
be-gunah bhi tha nihattha bhi tha main ai qatil
qatl karne ke bhi meyar to hote honge
Leave a Reply