Kam Kabhi Rah Ke Aazar to Hote Honge

kam kabhī raah ke āzār to hote hoñge

ābla-pā.ī kahīñ ḳhaar to hote hoñge

mujh se ye soch ke vo merā patā pūchhe thā

tañg-dastoñ ke bhī ghar-bār to hote hoñge

us se bichhḌā maiñ añdheroñ kā makīñ huuñ varna

koī ghar ho dar-o-dīvār to hote hoñge

vo jahāñ bhī ho use dekh ke is shahr ke log

kū-ba-kū naqsh-ba-dīvār to hote hoñge

marg jo apnī tarah koī vahāñ ho ki na ho

log use dekh ke bīmār to hote hoñge

be-gunah bhī thā nihatthā bhī thā maiñ ai qātil

qatl karne ke bhī meyār to hote hoñge

Leave a Comment