Faisal Imtiyaz Khan
vo ham se milne ke liye aa.e nahin kabhi
ham ne bhi raag ishq ki chheḌe nahin kabhi
tum kah rahe ho is liye hanste hain varna to
ham jitne dil malul hain hanste nahin kabhi
ham ko zamana chhoḌ gaya lahron men magar
lahron ko ham-safar kiya Duube nahin kabhi
vo regzar kar gaya sarsabz baagh par
sab peḌ ba-samar rahe sukhe nahin kabhi
vo sang-e-be-vafa.i chalata raha sada
lekin vafa ke a.ine TuuTe nahin kabhi
‘faisal’ chalo usi jagah chalte hain ham jahan
us be-vafa ka saaya bhi guzre nahin kabhi
Leave a Reply