vo hasrat-e-bahar na tufan-e-zindagi
aata hai phir rulane ko abr-e-bahar kyuun
alam-o-gham ki tund havadis ke vaste
itna latif dil mire parvardigar kyuun
jab zindagi ka maut se rishta hai munsalik
phir ham-nashin hai khatra-e-lail-o-nahar kyuun
jab rabt-o-zabt husn-e-mohabbat nahin raha
hai bar-e-dosh hasti-e-na-paedar kyuun
rona mujhe khizan ka nahin kuchh magar ‘shamim’
is ka gila hai aai chaman men bahar kyuun
Leave a Reply