Hasnain Aqib
kho.e hue palon ki koi baat bhi to ho
vo mil gaya hai us se mulaqat bhi to ho
barbad main hua to ye bola amir-e-shahr
coffē nahin hai itna, fana zaat bhi to ho
duniya ki mujh pe laakh navazish sahi magar
mary taraqqiyon men tira haat bhi to ho
milti hain gor yaan to sar-e-rah bhi magar
panghaT ho gagari ho vo dehat bhi to ho
haare to laziman use koi panah de
ham se laḌe jo us ki ye auqat bhi to ho
kaTti hai shab visal ki palken jhapakte hi
jis ki sub.h na ho kabhi vo raat bhi to ho
lafzon ke her-pher se banti nahin ghazal
sheron men thoḌi garmi-e-jazbat bhi to ho
Leave a Reply