abdul-ahad-saaz

Yun To Sau Tarah Ki Mushkil Sukhani Aae Hamein

yuun to sau tarah ki mushkil sukhani aae hamen

par vo ik baat jo kuhni na abhi aae hamen

kaise toden use jo tuut ke milti ho gale

laakh chaha ki rivayat-shikani aae hamen

har qadam is mutabadil se bhari duniya men

raas aae to bas ik teri kami aae hamen

pyaas bujh jaae zamin sabz ho manzar dhul jaae

kaam kya kya na in ankhon ki tiri aae hamen

dev-e-alfaz ke changul se chhudane ke liye

akhir-e-shab koi maana ki pari aae hamen

phir hamen qatl kare shauq se ban paae agar

ik ghazal bhar to kisi shab koi ji aae hamen

‘saz’ ye shahr-navardi men bikharta hua din

simte ik mod to yaad us ki gali aae hamen

More Poems

Leave a Comment