Wo Har Har Qadam Par Sambhalte Hue

vo har har qadam par sambhalte hue

dilon ko masalte hain chalte hue

na arman ko dekha nikalte hue

na nakhl-e-tamanna ko phalte hue

vo kis tarah qaabu men aaen mire

qayamat ke putle hain chalte hue

rahi ek andaz par chashm-e-yar

zamane ko dekha badalte hue

vo kuchh rang laenge roz-e-visal

hina un ko dekha hai malte hue

dam-e-naza yarab main dekhun unhen

vo dekhen mira dam nikalte hue

unhen ghair se jab na fursat mili

chale aae ham haath malte hue

main janun ki naale men hai kuchh asar

jo dil un ka dekhun pighalte hue

vo nikle udhar se to ai ‘barq’ yuun

mira dil kaf-e-pa se malte hue

Leave a Comment