Haseeb Soz
khula ye raaz ki ye zindagi bhi hoti hai
bichhaḌ ke tujh se hamen ab ḳhushi bhi hoti hai
vo phone kar ke mira haal puchh leta hai
namak-haramon ki category bhi hoti hai
mizaj puchhne vaale maza bhi lete hain
kabhi jo dard men thoḌi kami bhi hoti hai
yahi to kholti hai dushmani ka darvaza
ḳharab chiiz miyan dosti bhi hoti hai
tum apne qadmon ki raftar par bahut ḳhush ho
ye rail-gaḌi kahin par khaḌi bhi hoti hai
Leave a Reply