ahmad-ali-barqi-azmi

Wo Hain Aaj Baala-e-Baam Allah Allah

vo hain aaj bala-e-bam allah allah

mai-e-ishq ka le ke jaam allah allah

mujhe kar diya khud se be-khud unhonne

nigahon se de kar payam allah allah

ye mere liye muzda-e-jan-fiza hai

milenge vo ab sub.h-o-sham allah allah

na hoga tumhen tishna-kami ka shikva

vo de kar gae ye payam allah allah

rahen apne vaade pe sabit-qadam vo

rahe un ka lutf-e-davam allah allah

jo sunte na the meri arz-e-tamanna

vo lete hain ab mera naam allah allah

mire khana-e-dil men hain jalva-farma

jo hain misl-e-mah-e-tamam allah allah

tha ab tak giraftar zulfon men jin ki

vo hain ab mire zer-e-dam allah allah

kahan main kahan un ki ‘barqi’-navazi

vo karte hain mujh ko salam allah allah

More Poems

Leave a Comment