Ab Hathon Mein Pyar Hai Sahab

ab hāthoñ meñ pyaar hai sāhab

aur dil meñ talvār hai sāhab

ulTī ulTī rasmeñ le kar

ye ulTā sansār hai sāhab

majbūrī kī zanjīreñ haiñ

ishrat kā bāzār hai sāhab

sab dariyā meñ Duub rahe haiñ

sab kī nayyā paar hai sāhab

bhūke bachche jaag rahe haiñ

maañ ghar meñ bīmār hai sāhab

ham sab hī daryūza-gar haiñ

roTī kā bevpār hai sāhab

darvāze par aas lagī hai

saat samundar paar he sāhab

manzil manzil DhūñD rahā huuñ

kis jānib ‘ruḳhsār’ hai sāhab

Leave a Comment