Rukhsaar Nazimabadi
ab hathon men pyaar hai sahab
aur dil men talvar hai sahab
ulTi ulTi rasmen le kar
ye ulTa sansar hai sahab
majburi ki zanjiren hain
ishrat ka bazar hai sahab
sab dariya men Duub rahe hain
sab ki nayya paar hai sahab
bhuke bachche jaag rahe hain
maan ghar men bimar hai sahab
ham sab hi daryuza-gar hain
roTi ka bevpar hai sahab
darvaze par aas lagi hai
saat samundar paar he sahab
manzil manzil DhunD raha huun
kis janib ‘ruḳhsar’ hai sahab
Leave a Reply