safar men hi chhupi un ki khushi hai
musafir ko masafat bandagi hai
nazar sab aa raha hai saaf kaala
andheron men bhi kitni raushni hai
pareshan huun main din men raushni se
to shab men chandni pichhe padi hai
udasi hai to phika rang lekin
ye mujh tasvir ka ik rang hi hai
khata is men nahin hai aine ki
ye saari gard chehron par jami hai
badan mera hai ik viran makan, par
makin ban kar ye vahshat rah rahi hai
gale lag kar mire sahra jo roya
jo baaqi tishnagi thi bujh gai hai
zamin ke paanv bhari hain falak se
ye ukhdi an-mani rahne lagi hai