Badan-Darida-O-Be-Barg-O-Bar Hona Bhi

Poet

badan-darida-o-be-barg-o-bar hona bhi

mire hi vaste phir sharmsar hona bhi

nazar uTha.un main jab jab bhi dasht-e-shab dekhun

ajiib shai hai sahar ka shikar hona bhi

tariq saare guman ke qadam se lipTe hain

ki mere sar hai haqiqat-nisar hona bhi

mire hi naam pe manzil-rasi ye Thahri hai

mire liye hi magar pa-figar hona bhi

main us zamin ka varis huun ‘shah’ ye bhi hai

mire nasib men hijrat-shi.ar hona bhi