na to uslub na andaz giran guzra hai
us pe mera fan-e-parvaz giran guzra hai
ye alag baat natija jo nikalta lekin
itna mayus-kun aghaz giran guzra hai
ik na ik roz to khulni hi thi sachcha.i magar
faash achanak jo hua raaz giran guzra hai
jin men jur.at nahin uḌne ki unhin ko mera
hona yuun ma.il-e-parvaz giran guzra hai
aate jaate tira paiham yuun lagana choTen
dil pe mere ai daghabaz giran guzra hai
Leave a Reply